Amanda Strydom - Vrou By Die Spieel (Key: OR Gmaj)

Title: Vrou By Die Spieël
Format: MP3 Backing Track - Instrumental - Karaoke
Created in the style of: Amanda Strydom
Genre: South African; Pop & Pop Rock; Folk
Language: Afrikaans
Era: 1990s
Key: OR Gmaj
Backing vocals: No
Lyrics: Yes
 
Sy sit by die venster
Staar na die park
Die tyd het diep kepe
Om haar vol mond gehark
 
Sy hoor die sirenes
Sy weet dit word laat
Sy bly nogtans wakker
En kyk af na die straat
 
'n TV blêr langsaan
Sy staan vinnig op
Uit haar stoel by die venster
Sy skink nog 'n dop
 
Die park lyk verlate
Vanwaar sy hier staan
En hoog in die bome
Hang 'n geel sekelmaan
 
En die Kentucky Fried Chicken, die Y.M.C.A.
Die skool vir gestremdes en die Pick 'n Pay
Staan strak in die maanskyn soos bakens van lig
Sy raak aan haar wang
Sy glimlag en sug
 
Sy stap na haar kamer
Gaan staan voor die spieël
Sy trek stadig uit
Dis 'n ou ritueel
 
En nakend bekyk hul mekaar vir 'n uur
Die vrou met die boggel en die vrou teen die muur
 
Dit voel of sy lig word
Sy droom sy kan vlieg
Sy tol in die rondte
Laat die spieël vir haar lieg
Sy lig eers versigtig
Haar regterhand hoog
En dan volg die linker met 'n sierlike boog
 
En stadig verdwyn die gedrog op haar rug
En sy dans soos 'n vlam oor die vloer
Deur die sitkamer, die badkamer, op die balkon
Waar die maan oor die park vir haar loer
 
En die Kentucky Fried Chicken, die Y.M.C.A.
Die skool vir gestremdes en die Pick 'n Pay
Staan blink in die maanlig soos tempels van hoop
En sy dink - ek sal môre 'n rooi rok gaan koop
Sy dink - ek sal môre die rooi rok gaan koop
 
Daai-daai, daai-didi, daai-daai-daai
Daai-daai-daai, daai-daai-daai-daai
 
Composer: A. STRYDOM/L. BEEKMAN (IN MS SAMRO)